იმ შემთხვევაში, თუ ბანკისგან მიღებული მოწყობილობის - „Digipass Token”-ის/ - „TBC Digipass აპლიკაციის საშუალებით, მისი მიღებიდან 6 თვის ვადაში არ განახორციელებთ აქტიურ ოპერაციას, მოწყობილობა/აპლიკაცია ავტომატურად გაუქმდება. აღნიშნულ შემთხვევაში, მოწყობილობის/აპლიკაციის რეგისტრაციის დროს თქვენ მიერ გადახდილი თანხა არ დაბრუნდება.

• ინტერნეტბანკში შესვლამდე აუცილებლად დარწმუნდით, რომ შედიხართ ვებგვერდზე: https://www.tbconline.ge აღნიშნული მისამართის სისწორე ასევე შეამოწმეთ უსაფრთხოების სერტიფიკატით – ინტერნეტბრაუზერის ქვედა ან ზედა პანელზე მოთავსებულ ბოქლომზე დაჭერით; 
• არავის გაანდოთ თქვენი ინტერნეტბანკის მომხმარებლის სახელი, პაროლი, სატელეფონო კოდი. არ შეინახოთ ეს მონაცემები კომპიუტერში, ინტერნეტში ან მობილურში პაროლით დაუცველ ფაილებში; 
• განსაკუთრებული ყურადღება გამოიჩინეთ საერთო მოხმარების კომპიუტერებთან მუშაობისას. ინტერნეტბანკში მუშაობის დასრულების შემდეგ, შეეცადეთ, გამოხვიდეთ პროგრამიდან მხოლოდ "Logout"-ის (გამოსვლა) ღილაკზე დაჭერით; 
• თუ თქვენ შესული ხართ ინტერნეტბანკში არ დატოვოთ კომპიუტერი უკონტროლოდ; 
• არ გააგზავნოთ კონფიდენციალური ინფორმაცია ელ. ფოსტით. ბანკი არასდროს მოგთხოვთ თქვენი პირადი და უსაფრთხოების ინფორმაციის, პაროლის ან ანგარიშების ინფორმაციის სრულად გაგზავნას ელ. ფოსტით; 
• თუ თქვენ თავს გრძნობთ საფრთხის წინაშე, დაუყოვნებლივ დაგვიკავშირდით; 
• თუ თქვენ ელ. ფოსტით მიიღეთ საეჭვო წერილი, რომელიც ირწმუნება, რომ თიბისი ბანკისგანაა გამოგზავნილი, გთხოვთ, დაუყოვნებლივ გვაცნობოთ. 

რას ვაკეთებთ ჩვენ თქვენს დასაცავად? 

• ინტერნეტბანკში შესვლა დაცულია საპაროლე სისტემით. თქვენი მომხმარებლის სახელი და პაროლი უნიკალურია და არ მეორდება; 
• ტრანზაქციები კომპანიის ანგარიშების გარეთ საჭიროებს დამატებით სერტიფიკაციას, ანუ დადასტურებას ერთჯერადი Digipass კოდებით. 

*გაითვალისწინეთ, რომ სერვისზე დარეგისტრირების უფლება აქვს მხოლოდ კომპანიის დირექტორს, ან მასთან გათანაბრებულ პირს.