10 მაისი 9 წუთის საკითხავი
თიბისი ბანკმა მეთევზეობის თემაზე აგროფორუმი გამართა

თიბისი ბანკის აგროფორუმები რეგიონებში გრძელდება და კახეთიდან უკვე შიდა ქართლში, განსხვავებული თემატიკით ინაცვლებს.

 

ამჯერად, ფორუმი გორში გაიმართა. დამწყებ ფერმერებს და სოფლის მეურნეობაში ჩართულ პირებს შესაძლებლობა ჰქონდათ, თევზის მოვლა-მოშენების შესახებ უახლეს ინფორმაციას გასცნობოდნენ და მათთვის საინტერსო კითხვებზე დარგის ექსპერტებისგან მიეღოთ ამომწურავი პასუხები.

ფორუმს გარემოს დაცვისა და სოფლის მეურნეობის სამინისტროს სოფლის განვითარების სამმართველოს უფროსი, არჩილ ფარცვანია და თიბისი ბანკის აგრობიზნესის განვითარების კოორდინატორი, შოთა გონგლაძე უძღვებოდნენ.

„ძალიან საინტერესო შეხვედრა გვქონდა ადგილობრივ ფერმერებთან. ვისაუბრეთ მეთევზეობაზე, კონკრეტულად, მეკალმახეობაზე. დამსწრე აუდიტორიას დეტალური ინფორმაცია მივაწოდეთ იმ თანამედროვე ტექნოლოგიების შესახებ, რომელთა გამოყენებაც ფერმერებს მეკალმახეობის მიმართულებით ეკონომიკური ეფექტურობის მიღწევაში დაეხმარება. შეხვედრა ინტერაქციული ხასიათის იყო და კითხვა-პასუხის რეჟიმში გაგრძელდა. ფერმერებმა მათთვის საინტერსო ყველა შეკითხვაზე ამომწურავი პასუხები მიიღეს“, - განაცხადა სოფლის განვითარების სამმართველოს უფროსმა, არჩილ ფარცვანიამ.

 

„ჩვენი მიზანია, საქართველოს ყველა რეგიონი მოვიცვათ და ფერმერებს შესაძლებლობა მივცეთ, ეფექტურად მართონ თავიანთი მეურნეობა. დარგის სპეციალისტები, რომლებიც შეხვედრებს უძღვებიან, სოფლის მეურნეობით დაინტერესებულ პირებს უახლეს ინფორმაციას აწვდიან და საქმიანობიდან გამომდინარე პრაქტიკულ რჩევებსაც აძლევენ, რაც ვფიქრობ, ფერმერებისთვის ძალიან მნიშვნელოვანი მხარდაჭერაა,“ - ამბობს თიბისი ბანკის აგრობიზნესის განვითარების კოორდინატორი, შოთა გონგლაძე.

 

გორის შემდეგ თიბისი ბანკის აგროფორუმები უკვე საქართველოს სხვა ქალაქებში გადაინაცვლებს. ფორუმებზე დასწრება თავისუფალია, შეხვედრების თემატიკა კი რეგიონების შესაბამისად შეიცვლება.

თიბისი ბანკი სოფლის მეურნეობის სექტორის განვითრების მხარდასაჭერად უკვე წლებია არაერთ პროექტს ახორციელებს. ეს მხარდაჭერა მოიცავს ფერმერებისთვის როგორც აგროპროდუქტების შეთავაზებას, ისე ტრენინგებსა და კონსულტაციებს, რაც მათთვის რჩევებისა და უახლესი ინფორმაციის მიწოდებას გულისხმობს.

 

კომენტარები